Prezident Ukrainy Piatro Parašenka nazvaŭ zabojstva byłoha deputata rasijskaj Dziarždumy Dzianisa Varanienkava, ździejśnienaje ŭ čaćvier u Kijevie, dziaržaŭnym teraryzmam z boku Rasii, paviedamlaje VVS.
Jak zajaviŭ pres-sakratar prezidenta Śviatasłaŭ Cahołka, takoje mierkavańnie Parašenka ahučyŭ na sustrečy z pradstaŭnikami ŭkrainskich siłavych struktur, sklikanaj adrazu paśla zabojstva Varanienkava.
«Padstupnaje zabojstva ŭ centry Kijeva Dzianisa Varanienkava — heta akt dziaržaŭnaha teraryzmu z boku Rasii, jakuju jon byŭ vymušany pakinuć z palityčnych mierkavańniaŭ. Vidavočny počyrk rasijskich śpiecsłužbaŭ raniej nieadnarazova vyjaŭlaŭsia ŭ roznych jeŭrapiejskich stalicach», — skazaŭ Parašenka.
Jon dadaŭ, što Varanienkaŭ «byŭ adnym z hałoŭnych śviedak rasijskaj ahresii suprać Ukrainy i, u pryvatnaści, roli Janukoviča ab uviadzieńni va Ukrainu rasijskich vojskaŭ».
