Zasnavalnik byłoha «Biełaha lehijona» Siarhiej Čysłaŭ paviedamiŭ ab zatrymańni svajho brata, kiraŭnika kłuba «Patryjot» Mikałaja Michalkova.
komkur.info
Pavodle jahonych źviestak, 23 sakavika Mikałaja Michalkova zaprasili na hutarku ŭ KDB Babrujska. Z tych časoŭ na suviaź jon nie vychodziŭ, a jaho mašyna znachodzicca kala budynku viedamstva.
Mikałaj Michalkoŭ — kiraŭnik vajskova-spartyŭnaha kłuba «Patryjot» na bazie Centra tvorčaści dziaciej i moładzi ŭ Babrujsku. Sam Michalkoŭ — u minułym kadravy aficer, jaki słužyŭ u adnoj z pavietrana-desantnych bryhad śpiecyjalnaha pryznačeńnia.
Jaho syn, vajskoviec Jan Michalkoŭ, byŭ zatrymany 21 sakavika pa spravie ab «padrychtoŭcy masavych biesparadkaŭ».
KDB zajaviŭ, što ŭsiaho pa spravie zatrymana 26 čałaviek.
Masavyja zatrymańni pa ŭsioj krainie, nahadajem, pačalisia ŭviečary 21 sakavika. Za niekalki hadzin da hetaha Alaksandr Łukašenka zajaviŭ, što ŭ Biełarusi zatrymali bajevikoŭ, jakija rychtavali pravakacyju sa zbrojaj.
Zatrymańni ž uvohule pačalisia 3 sakavika — kali ŭ roznych haradach krainy raspačalisia masavyja vystupy suprać ekanamičnaj palityki ŭładaŭ.
Pravaabaroncy ličać kampaniju aryštaŭ skiravanaj na zastrašvańnie hramadstva. Jany nazyvajuć abvinavačvańni falšyvymi, a zajavy ab datyčnaści zamiežnych hramadzian — fejkam. A ekśpierty nazvali pakazanuju «skanfiskavanuju» zbroju abo palaŭničaj, abo strajkbolnaj.
