Samaja viadomaja minskaja ściana znoŭ «zamiratočyła» novym hrafici. Ciapier na tak zvanaj «ścianie Ščotkinaj» źjaviłasia vysłoŭje Marcina Lutara Kinha: «Nikoli nie zabyvajcie: usio, što rabiŭ Hitler u Niamieččynie, było zakonnym».
Marcin Lutar Kinh — viadomy zmahar za hramadzianskija pravy čarnaskurych amierykancaŭ. Jon byŭ zastreleny ŭ 1968 hodzie.
«Ściana Ščotkinaj» ŭ adnym sa staličnych dvorykaŭ atrymała viadomaść siarod minčukoŭ niekalki tydniaŭ tamu. Tady na joj źjaviŭsia partret eks-ministra pracy Maryjany Ščotkinaj z nadpisam «Heta ja prydumała padatak na biespracoŭje». Hetaje hrafici praisnavała niekalki hadzin, pakul jaho nie źniščyli supracoŭniki ŽES.
Paźniej rabotniki ŽES paśpiachova zmahalisia z nastupnymi hrafici na hetaj ścianie: nadpisam «Vy sami ŭsio razumiejecie», partretami staršyni Savieta Respubliki Michaiła Miaśnikoviča.
