Ministerstva zamiežnych spraŭ Polščy vykazała zaniepakojenaść z nahody padziej u Minsku 25 sakavika. Adpaviednaja zajava apublikavanaja na sajcie MZS Polščy.
Previentyŭnyja zatrymańni i aryšty, a taksama zapałochvańnie žurnalistaŭ i aktyvistaŭ niezaležnych arhanizacyj, jakija adbyvalisia jak na minułym tydni, tak i ŭ dzień pratestu, u tym liku pieratrus pamiaškańniaŭ arhanizacyi «Viasna», a taksama tyja pieraškody, jakija nie dazvalali žadajučym patrapić na miesca demanstracyi ŭ Minsku, — heta prykłady parušeńnia fundamientalnych hramadzianskich svabod i pravoŭ čałavieka ŭ Biełarusi, havorycca ŭ zajavie.
Polskaje zamiežnapalityčnaje viedamstva taksama zaklikaje «spynić prymianieńnie hvałtu pravaachoŭnymi orhanami i nieadkładna vyzvalić z-pad aryštu zatrymanych».
Jeŭrapiejski sajuz choča budavać tryvałyja adnosiny ź Biełaruśsiu na asnovie pavahi pravoŭ čałavieka i fundamientalnych svabod, u tym liku svabody słova, prava na schody, a taksama na zachavańni pravoŭ ŭsich hramadskich ruchaŭ pa mižnarodnym standartam i abaviazacielstvam.
Nahadajem, 22 sakavika ŭ MZS Polščy taksama nahadvali Biełarusi ab vykanańni pravoŭ čałavieka.
