Pra novy termin paviedamiŭ načalnik RAUS Savieckaha rajonu Homielu.
Siońnia kala 30 čałaviek pryjšli sustrakać Maksima Filipoviča da izalataru časovaha ŭtrymańnia ŭ Homieli. Filipoviča mielisia vyzvalić paśla paŭtornaha aryštu — ahułam za akcyi pratestu jon užo adsiedzieŭ 19 sutak.
23 sakavika Saviecki rajonny sud Homiela dadatkova aryštavaŭ jaho na 5 sutak. Jon byŭ źvinavačany va ŭdziele ŭ mirnaj akcyi pratestu ŭ Bieraści, spravu razhladaŭ sudździa Alaksandar Mocharaŭ.
Na toj momant błohier užo adbyvaŭ 14-sutkavy aryšt za ŭdzieł u akcyi pratestu suprać «darmajedzkaha» dekretu № 3 u Pinsku. Nieŭzabavie jon abviaściŭ haładoŭku, jakuju spyniŭ 18 sakavika.
Maksima Filipoviča zatrymali bajcy AMAPu 13 sakavika ŭ 20:45 u domie jahonych baćkoŭ u Homielskim rajonie. Maksim tranślavaŭ svajo zatrymańnie ŭ Facebook.
Raniej, padčas akcyi pratestu suprać dekretu № 3 u Pinsku, jaho sprabavali vykraści nieviadomyja.
