Siamnaccaty tur čempijanatu Biełarusi pa futbole atrymaŭsia krychu absiečany. Sprava ŭ tym, što barysaŭski BATE, spasłaŭšysia na zaniataść u Lizie čempijonaŭ, paprasiŭ pieranieści matč z žodzinskim «Tarpeda» na vosień. Federacyja pajšła nasustrač barysaŭcam.
U centralnym matčy turu na stadyjonie «Traktar» sustrakalisia hałoŭnyja praśledvalniki BATE – mienskija «Dynama» i MTZ-RIPA. U vypadku pieramohi «traktarazavodcaŭ», samy tytułavany klub Biełarusi moh zabycca na čempijonskija ambicyi.
Zrešty, takoha nie adbyłosia. «Dynama» namahańniami Alaksandra Lebiedzieva za piać chvilin da finalnaha śvistku vyrvała pieramohu – 1:0. Ciapier adryŭ MTZ-RIPA ad ziemlakoŭ składaje ŭsiaho dva punkty. Niedaloka i «Viciebsk».
U druhim matčy paniadziełku hulaŭ jašče adzin były pradstaŭnik našaj krainy ŭ Kubku UEFA – «Homiel». Matč ź bieraściejskim «Dynama» jašče raz paćvierdziŭ u jakim kryzysie znachodzicca kamanda Anatola Jureviča. Bieraściejcy pieramahli – 1:0. Raman Vasiluk nie zabiŭ svaim byłym kaleham.
Astatnija matčy turu prynieśli nastupnyja vyniki: «Lakamatyŭ» – «Viciebsk» – 0:3, «Savit» – «Daryda» – 1:1, «Naftan» – «Nioman» – 1:0, «Smarhoń» – «Hranit» – 1:0, «Šachcior» – «Dniapro» – 0:0.
Turnirnaja tablica paśla siemnaccaci turaŭ maje nastupny vyhlad: BATE – 40 punktaŭ, MTZ-RIPA – 35, «Dynama» (Miensk) – 33, «Viciebsk» – 31, «Naftan» – 28, «Šachcior» – 27, «Dniapro», «Dynama» (Bieraście) – pa 25, «Hranit» – 21, «Smarhoń» – 20, «Tarpeda» – 18, «Homiel», «Nioman» – pa 16, «Savit» – 14, «Lakamatyŭ» – 12, «Daryda» – 8.
Najlepšym bambardziram źjaŭlajecca Arciom Kancavy (MTZ-RIPA) – 12 hałoŭ.
