Fota TASS.
Mašynisty elektryčki, što sutyknułasia ź ciahnikom Maskva—Brest, sprabavali padmanuć śledstva, paviedamili ŭ Śledčym kamitecie RF. Pavodle źviestak śledstva, nijakaha «čałavieka, jaki pierabiahaŭ puci» nie było: u ciahnika admovili štatnyja tarmazy, i tamu mašynisty ŭžyli ekstranaje tarmažeńnie. A zatym elektryčka pačała adkočvacca nazad.
Novuju viersiju nadzvyčajnaha zdareńnia na Biełaruskim kirunku MŽD ahučyła TASS aficyjny pradstaŭnik Śledčaha kamiteta RF Śviatłana Piatrenka. «Pa vynikach pieršapačatkovych śledčych dziejańniaŭ, u tym liku paśla dopytaŭ mašynistaŭ, viersija ab tym, što ekstranaje tarmažeńnie łakamatyŭnaj bryhadaj elektraciahnika było ŭžyta ŭ metach praduchileńnia najezdu na piešachoda, nie paćviardžajecca, i było abumoŭlena admovaj jaho tarmaznoj sistemy», - zajaviła jana.
Paviedamlajecca, što chod rasśledavańnia ŭziaŭ na kantrol kiraŭnik SK RF Alaksandr Bastrykin.
U metach pravierki dadzienaj viersii śledstva ŭžo kanfiskavała dakumienty ab techničnym absłuhoŭvańni sastava. Piatrenka paviedamiła, što «ahledžany asnoŭnyja častki paškodžanych sastavaŭ, kanfiskavanyja važnyja dakumientalnyja i materyjalnyja krynicy, pryznačanyja ekśpiertnyja daśledavańni, ažyćciaŭlajucca dopyty vidavočcaŭ i inšych śviedkaŭ, udakładniajucca śpisy paciarpiełych».
Raniej u Siecivie było apublikavana videa momantu sutyknieńnia ciahnikoŭ, źniatuju pasažyrami elektryčki. Navakolnyja paviedamlajuć, što ŭ sastava admovili tarmazy, a niekatoryja prapanujuć saskokvać na chadu.
