Terarystyčnaja hrupoŭka «Isłamskaja dziaržava» ŭziała na siabie adkaznaść za napady na cerkvy ŭ jehipieckich haradach Tanta i Aleksandryja. Pra heta ŭ niadzielu, 9 krasavika, paviedamlaje Reuters.
Jak paviedamlaje WTVD-TV sa spasyłkaj na Ministerstva achovy zdaroŭja Jehipta, pry napadzie na sabor Śviatoha Marka ŭ Aleksandryi zahinuli 11 čałaviek, jašče 35 paciarpieli. U Tanta kolkaść achviar vybuchu kala kopckaj carkvy Mar-Hirhis, pavodle apošnich źviestak, vyrasła da 30.
U toj ža čas heta nie adzinyja vybuchi, jakija adbylisia ŭ Jehipcie 9 krasavika. U Tanta praktyčna adrazu paśla nadzvyčajnaha zdareńnia la carkvy adbyłasia ataka na miascovy centr padrychtoŭki palicejskich. Pa najaŭnaj infarmacyi, tam zahinuŭ adzin čałaviek. Akramia taho, paśla napadu la ŭvachodu ŭ aleksandryjski sabor miascovyja ŚMI paviedamili jašče ab adnym vybuchu. RIA «Naviny» udakładniaje, što pryłada zdetanavała na vulicy Šuchada.
U śniežni minułaha hoda ŭ kopckim sabory ŭ Kairy adbyŭsia vybuch, achviarami jakoha stali 22 čałavieki. Adkaznaść za terakt uziała na siabie hrupoŭka «Isłamskaja dziaržava». Bajeviki paabiacali «praciahvać vajnu suprać adstupnikaŭ».
