Takaja infarmacyja ahučana ŭ efiry telekanała «Staličnaje telebačańnie».
Pavodle infarmacyi kanała, «paciarpiełym, u zaležnaści ad ciažkaści atrymanych traŭmaŭ, vypłaciać da 2 młn rasijskich rubloŭ» ($35 tysiač u ekvivalencie). Anałahičnuju infarmacyju ahučyŭ prezident rasijskaha Nacyjanalnaha sajuza strachoŭščykaŭ adkaznaści (NSSO) Ihar Jurhiens, pieradaje TASS.
«Zhodna z zakonam ab abaviazkovym strachavańni adkaznaści pieravozčyka pierad pasažyrami (FZ-67), usie pasažyry, paciarpiełyja na hramadskim transparcie, uklučajučy čyhunačny, majuć, prava na strachavyja vypłaty ŭ vypadku naniasieńnia škody ich žyćciu, zdaroŭju, majomaści. Maksimalnaja suma vypłaty strachavych kampiensacyj paciarpiełym składaje da 2 młn rubloŭ «, - skazaŭ jon. Suma vypłaty kožnamu paciarpiełamu raźličvajecca pa śpiecyjalnaj tablicy, zaćvierdžanaj pastanovaj urada RF, udakładniŭ Jurhiens.
Tak, za ŭdary i ranki paciarpiełyja mohuć atrymać ad 1 tys. rasijskich rubloŭ, za pierałomy kaniečnaściaŭ - ad 60 da 300 tys. rasijskich rubloŭ u zaležnaści ad miesca pierałomu i stupieni ciažkaści traŭmy. U vypadku atrymańnia niekalkich traŭmaŭ vypłaty padsumoŭvajucca.
Pasažyry ciahnika Maskva — Brest mohuć źviartacca pa kampiensacyju ŭ strachavuju kampaniju «SOHAZ», jakaja źjaŭlajecca strachoŭščykam adkaznaści pieravozčyka - «Fiederalnaj pasažyrskaj kampanii». Pra heta paviedamiła pres-słužba strachoŭščyka.
Dla atrymańnia vypłaty treba padać u strachavuju kampaniju dakumient, jaki śviedčyć pra asobu, zajavu, dakumient ad pieravozčyka ab zdareńni, dakumienty ź miedustanovy z ukazańniem charaktaru atrymanych traŭmaŭ, dyjahnazu i praciahłaści lačeńnia, a taksama bankaŭskija rekvizity dla pieraličeńnia hrošaj, havorycca ŭ paviedamleńni.
«Usie, chto prachodzić u ciapierašni čas lačeńnie, mohuć źviarnucca za vypłataj paśla vyzdaraŭleńnia», - paviedamili ŭ SOHAZie. U vypadku naniasieńnia škody majomaści paciarpiełaha vypłaty ažyćciaŭlajucca ŭ pamiery faktyčna naniesienaj škody, ale nie bolš za 23 tys. rasijskich rubloŭ. Za vypłataj paciarpiełyja (albo ich pradstaŭniki pa davieranaści) mohuć źviartacca ŭ bližejšy ofis «SOHAZa».
