Lekcyi knižnaha sajtu Bookster.by — heta šaniec zładzić ucioki ŭ litaraturu i razam z charyzmatyčnymi apaviadalnikami za dva miesiacy pračytać (abo adkryć dla siabie nanoŭ) siem znakavych knih.
Lekcyi čytajuć univiersiteckija vykładčyki, zaniatki jakich vypuskniki zhadvajuć ź ciepłynioj i zachapleńniem: Hražyna Paŭłoŭskaja, Uładzimir Kapcaŭ, Hanna Butyrčyk. Druhaja ž častka vystupoŭcaŭ — ludzi roznych prafiesijaŭ, jakija natchniona raspaviadajuć pra lubimych aŭtaraŭ. Heta piśmieńniki Adam Hłobus i Alhierd Bacharevič, psichijatr Aleh Ajźbierh, kulturołah Maksim Žbankoŭ. Takim čynam u miežach kursu sumiaścilisia roznyja maniery vykładańnia i pohlady na litaraturu.
Kožny lektar abiraŭ knihu na svoj hust, tamu padborka atrymałasia strakataja — ad napisanych tysiačahodździe tamu «Natatak la ŭzhałoŭja» japonki Sej-Sionahon da novaha ramana katałonskaha aŭtara Žaume Kabre «Ja spaviadajusia». Buduć lekcyi pra kultavyja tvory, takija jak «Łaviec u žycie» Selindžera, «Praces» Kafki abo «Hanna Karenina» Tałstoha, i pra tyja, jakija mohuć stać adkryćciom — naprykład, «Kłub radaści i ŭdačy» Emi Tan. Pobač z mastackimi knihami — dakumientalny biestseler nieŭrołaha Oliviera Saksa «Čałaviek, jaki pryniaŭ žonku za kapialuš».
Paśla 45-chvilinnaj lekcyi zaprašajem adrefleksavać pačutaje i pračytanaje ŭ farmacie knižnaha kłuba.
Miesca sustrečaŭ — prastora Space (vuł. Kastryčnickaja, 16A)
Košt: 30 rubloŭ — uvieś kurs, 20 rubloŭ — čatyry lekcyi, 7 rubloŭ — lekcyja. Nabyć kvitki možna na bezkassira.by.
Info: +375 29 1060454
