Arhanizatary kancerta Lavona Volskaha z prahramaj «172», jaki maje adbycca 8 traŭnia ŭ Vilni, abvieścili apošni termin padačy na biaspłatnyja vizy.
Padać na biaspłatnuju vizu (biez konsulskaha zboru) u ambasadzie Litoŭskaj Respubliki ŭ Minsku možna da 28 krasavika ŭklučna. Padača ŭ vizavych centrach — u Minsku, Breście, Hrodna, Mahilovie, Homieli, Pinsku, Baranavičach, Lidzie — skončycca na dva dni raniej — 26 krasavika. U vizavych centrach pasłuha płatnaja, kaštuje 20 jeŭra.
— Apošni solny vystup Lavona Volskaha ŭ Biełarusi ŭ pamiaškańni ŭmiaščalnaściu bolš za 300 čałaviek adbyŭsia ŭ śniežni 2010 hodu. Z taho času ŭsie zajaŭki na kancerty ŭ vialikich załach i šerahu małych byli adchilenyja. Tamu my vielmi ŭdziačnyja MZS Litvy za vizavuju padtrymku našaha mierapryjemstva, — adznačaje arhanizatar Źmicier Kaśpiarovič.
Kancert Lavona Volskaha adbudziecca 8 traŭnia ŭ kłubie Vakaris Vilnius. Razam z kalektyvam muzyka pradstavić vialikuju prahramu «172», jakaja achopić usie pieryjady jaho tvorčaści: ad hurtu «Mroja» da najnoŭšaha solnaha alboma «Psichasamatyka».
Pakrokavaja instrukcyja pa vizach i infarmacyja pa kvitkach na sajcie www.turmuz.by.