Saŭładalnik chołdynhu Fenox Global Group Vital Arbuzaŭ akazaŭsia ŭ pole zroku biełaruskich pravaachoŭnych orhanaŭ pa padazreńni ŭ niavypłacie padatkaŭ. Hetuju infarmacyju TUT.BY paćvierdzili try nie źviazanyja adna z adnoj krynicy.
zautra.by
«Arbuzava zatrymali ŭ sieradu. Pra toje, što da jaho byli pytańni ŭ pravaachoŭnych orhanaŭ, było viadoma jašče ŭ minułym hodzie, jon niejki čas nie źjaŭlaŭsia ŭ krainie, ale potym, zdajecca, usio vyrašyłasia. Akazałasia, nie ŭsio», — raspavioŭ adzin surazmoŭca.
«Spravu ŭ dačynieńni da Arbuzava viadzie Departamient finansavych rasśledavańniaŭ Kamiteta dziaržkantrolu. Artykuł 243 — «Uchileńnie ad vypłaty sum padatkaŭ», — paviedamiła inšaja krynica.
Datelefanavacca da Vitala Arbuzava ŭviečary ŭ sieradu nie ŭdałosia. U pres-słužbie Kamiteta dziaržkantrolu nie paćvierdzili, ale i nie abvierhli zatrymańnie Arbuzava.
Arbuzaŭ, № 11 u top-200 samych upłyvovych biełaruskich biznesmienaŭ pa viersii «Ježiednievnika», źjaŭlajecca staršynioj rady dyrektaraŭ Fenox Global Group, staršynioj rady dyrektaraŭ Fenox Venture Capital. U chołdynh Fenox uvachodziać, u pryvatnaści, Fenox Automative Somponents (vytvorčaść i raspaŭsiudžvańnie aŭtakampanientaŭ), Fenox Retail (sietka charčovych mahazinaŭ Preston), Fenox Construction (inviestycyi ŭ nieruchomaść).
