13 krasavika pamior historyk Jury Bochan — doktar histaryčnych navuk. Jamu byŭ 51 hod. Daśledavaŭ urbanistyčnaje raźvićcio, uzbrajeńnie i arhanizacyju vojska, šlachiecki pobyt u VKŁ.
Raźvitańnie projdzie ŭ Čyrvonym kaściole ad 11:30 da 13:30 u subotu, 15 krasavika. Juryja Bochana pachavajuć pobač z maci na Paŭnočnych mohiłkach.
Historyk Alaksandr Kraŭcevič skazaŭ Svabodzie: «Aproč taho, što Juraś byŭ vybitny śpiecyjalist pa vajskovaj spravie VKŁ, jon jašče byŭ vielmi sumlennym i prystojnym čałaviekam. Jon nikoli nie išoŭ na słužbu ideałohii. Jon trymaŭsia čyścini navuki».
Mikoła Vołkaŭ, historyk: «Jury Bochan — faktyčna, zasnavalnik histaryčnaha zbrajaznaŭstva ŭ Biełarusi. Jon stvaryŭ cełuju škołu. Ja byŭ jaho vučniem. Ja praktyčna apošni, chto ŭ jaho abaraniŭ kandydackuju dysiertacyju. Heta byŭ vielmi šlachotny čałaviek, jaki, niahledziačy na svaje rehalii, pavodziŭsia z usimi pryjazna i adkryta, biez fanaberyi. Hetaja śmierć — vialikaja strata dla biełaruskaj navuki».
