39 dziaciej ź Śviardłoŭskaj vobłaści Rasiei, paśla trochdzionnaj zatrymki, 7 lipienia narešcie zmohuć pakinuć Bieraście j vypravicca ciahnikom u Maskvu.
Jak paviedamili karespandentu IA REGNUM u abłasnym Ministerstvie kultury, hrošy za ich pražyvańnie ŭ adnoj ź miascovych haścinic i za bilety nazad užo atrymanyja, bilety nabytyja. U Jekaciarynburh dzieci prybuduć u subotu 9 žniŭnia.
Troje sutak, z 4 da 7 žniŭnia, junyja artysty žyli ŭ haścinicy ŭ kredyt.
Dzieci nie mahli vyjechać ź Bieraścia ŭ suviazi z adsutnaściu biletaŭ. Jany vystupali na mižnarodnymi muzyčnym festyvali, jaki prachodziŭ z 27 lipienia da 4 žniŭnia ŭ polskim horadzie Lehnica.
U časie raśśledavańnia, praviedzienaha aperatyŭnikami HUUS Śviardłoŭskaj vobłaści, vyśvietliłasia, što hrošy za pražyvańnie dziaciej u haścinicy j za bilety ad Bieraścia da Jekaciarynburhu dahetul nie byli pieraviedzienyja, choć backi ŭnieśli na rachunak arhanizatara pajezdki — niekamercyjnaha partnerstva «Mižrehijanalny centar padtrymki j raźvićcia adukacyi, kultury j mastactva» — kala 300 000 rasiejskich rubloŭ.
Dyrektarka arhanizacyi ciapier znachodzicca ŭ milicyi j daje pakazańni. Z zajavami pra pryciahnieńnie jaje da kryminalnaj adkaznaści źviarnulisia baćki dziaciej, jany ž sabrali hrošy.
Dyrektarka nie admaŭlajecca ad svaich abaviazalnictvaŭ, ale na dadzieny momant hrošaj ni ŭ jaje, ni ŭ arhanizacyi niama.
Pa fakcie incydentu ŭsčataja kryminalnaja sprava za machlarstva.
