Fota Iryny Arachoŭskaj
Sacyjalnamu aktyvistu Źmitru Palijenku, jaki musić adbyć paŭtary hady prysudžanaha terminu ŭ suviazi z admienaj adterminoŭki pakarańnia, u jakaści miesca źniavoleńnia pryznačyli papraŭčuju kałoniju №2 u Babrujsku, u jakoj adbyvaŭ pakarańnie ni adzin palityčny viazień.
Pra heta «Viaśnie» stała viadoma 18 krasavika.
Siarod tych, chto ŭ papiarednija hady ŭ PK-2 adbyvaŭ terminy pavodle palityčna matyvavanych prysudaŭ, byli Andrej Kim, Źmicier Drozd, Andrej Pratasienia, Aleś Bialacki. Taksama ŭ hetaj kałonii na ŭzmocnienym režymie adbyvaŭ pakarańnie pa pieršaj kryminalnaj spravie Andrej Bandarenka.
Źmicier Palijenka, pavodle isnujučych praceduraŭ, paśla prybyćcia ŭ kałoniju musiŭ być źmieščany ŭ tak zvany «karancin» — zakryty atrad, u jakim novyja viaźni znachodziacca dva tydni — za hety čas jany prachodziać miedabśledvańnie, a administracyja vyvučaje ich spravy i pryhladajecca da ich samich, afarmlaje ŭlikovyja dakumienty, paśla čaho raźmiarkoŭvaje pa atradach.
Pravaabaroncy zaklikajuć da padtrymki viaźnia.
Źmitru Palijenku
PK-2, u karancin,
vuł. Sikorskaha, 1, h. Babrujsk,
Mahiloŭskaja vobłaść, 213800
