Amierykanskija vajskoŭcy vystupili z ŭdakładniajučymi zajavami z nahody miescaznachodžańnia bajavych karabloŭ, jakija - pavodle zroblenaj na minułym tydni zajavie prezidenta ZŠA Donalda Trampa — adpravilisia da bierahoŭ Paŭnočnaj Karei, ale pry hetym ruchajucca ŭ procilehły bok.
Reuters.com
Ministr abarony ZŠA Džejms Mecis zajaviŭ, što ŭdarnaja hrupa na čale z avijanoscam «Karł Vinsan» u ciapierašni čas adpraŭlajecca ŭ zachodniuju častku Cichaha akijana.
Avijanosiec — častka «armady», jakaja, zhodna z pamyłkovaj zajavaj Trampa, «adpraviłasia ŭ Paŭnočnuju Kareju» jašče na minułym tydni.
Adnak, jak vyśvietliłasia, na momant vystupu Trampa karabli nakiroŭvalisia ŭ inšy bok dla sumiesnych vučeńniaŭ z Aŭstralijaj.
Kamientujučy uźnikłuju błytaninu, kiraŭnik Pientahona zajaviŭ: «My robim mienavita toje, što, jak my kazali, źbirajemsia rabić. Jany adpraviacca da miesca pryznačeńnia».
«I ja paviedamlu, kali jany dabiarucca tudy i kali pačnuć dziejničać», - dadaŭ Mecis.
