U dzień paminańnia pamierłych (Radaŭnica) punkty sproščanaha propusku na miažy ź Litvoj, Łatvijaj i Ukrainaj buduć pracavać pa asablivym hrafiku. Padrabiaznaści paviedamlaje Dziaržpahrankamitet.
U punktach sproščanaha propusku mohuć pierasiakać miažu tolki tyja hramadzianie, jakija pastajanna pražyvajuć na pryhraničnaj terytoryi. Pry sabie možna mieć rečy dla asabistaha karystańnia (zhodna sa śpiecyjalnym pieralikam).
Buduć pracavać punkty propusku na miažy z Litvoj:
— Vidzy (Tviaračus) — štodnia kruhłasutačna;
— Maldzievičy (Aduciškis) — z 08.00 da 20.00 pa paniadziełkach, aŭtorkach, sieradach, čaćviarhach;
— Łyntupy (Papialakis) — z 08.00 da 20.00 pa piatnicach, subotach, niadzielach;
— Parečča (Łatežerys) — z 08.00 da 18.00 štodnia;
— Piaciuleŭcy (Rakaj) — z 11.00 da 17.00 pa piatnicach, subotach i niadzielach, a taksama 25 krasavika;
— Hieraniony (Krakuny) — z 11.00 da 17.00 pa subotach i niadzielach, a taksama 25 krasavika;
— Dociški (Ejšyškies) — z 09.00 da 19.00 štodnia;
— Pickuny (Narviliškies) — z 12.00 da 17.00 25 krasavika; ažyćciaŭlajecca propusk hramadzian, jakija iduć pieššu.
Na miažy z Łatvijaj:
— Haŭrylina (Miejkšany) — z 09.00 da 17.00 22, 23, 24, 25, 29, 30 krasavika, 1, 6, 7, 8, 9 maja pry najaŭnaści zajavak;
— Plusy (Kapłava) — z 09.00 da 19.00 22, 23, 24, 25, 29, 30 krasavika, 1, 6, 7, 8, 9 maja.
Na miažy z Ukrainaj:
— Dubok (Chrypsk) — z 09.00 da 18.00 u pieryjady z 29 krasavika pa 2 maja, z 7 pa 9 maja;
— Otčyna (Huta) — z 09.00 da 18.00 23, 24, 25 krasavika, 1, 2, 7, 8, 9 maja;
— Sušytnica (Tur) — z 08.00 da 20.00 štodnia;
— Trušyna (Vičoŭka) — z 08.00 da 20.00 štodnia;
— Almany (Pierabrody) — z 08.00 da 20.00 22, 23, 24, 25 krasavika, 1, 7, 8, 9 traŭnia;
— (pa-za punktami propusku) na kirunku Dziaržynsk (Biełaruś) — Poznań (Ukraina) z 09.00 da 18.00 22, 23 krasavika;
— Hłuškievičy (Budki-Kamienskijaje) — z 08.00 da 18.00 25 krasavika;
— Zapiasočča (Łučanki) — z 08.00 da 18.00 23, 25 krasavika;
— Paddabranka (Dabranka) z 07.00 da 20.00 štodnia;
— Hłybockaje (Ilmaŭka) z 07.00 da 20.00 štodnia;
— Andrejeŭka (Dzieraviny) z 07.00 da 20.00 štodnia.
Miažu možna pierasiakać pieššu, na rovary abo lehkavoj mašynie. Pry sabie treba mieć pašpart i vizu sumiežnaj dziaržavy (u vypadku vizavaha režymu); paśviedčańnie ab rehistracyi transpartnaha srodku i strachoŭku «Zialonaja karta».
Dadatkovuju infarmacyju možna atrymać pa telefonie ŭ Minsku 8 (017) 216-26-12 (kruhłasutačna).
Jak možna naviedać mohiłki na terytoryi Paleskaha radyjacyjnaha zapaviednika
Z 22 pa 25 krasavika na terytoryi zapaviednika dziejničaje asablivy paradak. Dla naviedvańnia nie patrebien propusk, ale patrabujecca adznačycca ŭ prapusknych punktach. Dostup na terytoryi budzie adkryty z 08.00 da 17.00.
Hramadzianam nahadvajuć, što Naraŭlanski, Chojnicki i Brahinski rajony raźmieščanyja ŭ miežach pamiežnaj zony. Tamu pa patrabavańni pamiežnikaŭ abo milicyi treba padać pašpart, a niepaŭnaletnim — paśviedčańnie ab naradžeńni abo pašpart (dazvoł na žycharstva).
Zamiežnikam u hetym vypadku patrebien pašpart i propusk ad pamiežnaj słužby (lepš atrymać jaho zahadzia, pieralik dakumientaŭ možna pahladzieć tut).
