28—30 krasavika adbuducca novyja pakazy «Biełaruskich uikendaŭ». Hetym razam na biełaruskaj movie zahavorać hieroi postapakaliptyčnaha bajevika «Kniha Iłaja».
Suśviet, pieražyŭšy atamnuju vajnu, vyhladaje jak vialikaja spalenaja soncam pustynia.
Ludzi da śmierci bjucca za rečy, jakija raniej ličylisia śmiećciem. Vada — najvialikšaja kaštoŭnaść. Bolšaść ludziej nie ŭmieje čytać, cyvilizacyja viarnułasia da amal prymityŭnaha stanu.
Hałoŭny hieroj — Iłaj — pamiataje čas da vajny, kali ŭsio było inakš. Jon niasie knihu, što maje siłu vypravić usio heta.
Ale hetuju siłu prahnuć zdabyć i inšyja, i jany nie spyniacca ni pierad čym, kab zavałodać joju…
Hałoŭnyja roli ŭ filmie vykanali Denzeł Vašynhton, Hary Ołdmen i Miła Kunis.
Dziakujučy zornamu akciorskamu składu, vialikamu biudžetu ($80 młn) i ŭnikalnaj atmaśfiery, stvoranaj u filmie, stužka spraviadliva ličycca adnym z najiarčejšych pradstaŭnikoŭ žanru postapakalipsis u kiniematahrafii.
Prajekt «Biełaruskija ŭikendy» pry padtrymcy «Atłant Telekam» i velcom ładzić pakazy hetaha filma ŭ biełaruskaj ahučcy. Na biełaruskuju movu film ahučyli: Pavał Charłančuk, Śviatłana Cimochina, Źmicier Saładucha, Hanna Chitryk, Aleś Małčanaŭ, Uładzimier Hłotaŭ.
Pakazy adbuducca 28-30 krasavika ŭ kinateatry «Maskva» (pr. Pieramožcaŭ, 13). Pačatak sieansaŭ — 19:00.
Bolš infarmacyi na kinakong.by.
Kvitki možna nabyć u kasach kinateatra i na bycard.by.
Pytańni pa telefonie: +375 29 5543459 (Andrej).
