2 traŭnia ŭ 17.00 u kniharni «Akademkniha» pačniecca prodaž zbornika apaviadańniaŭ H. F. Łaŭkrafta «Klič Ktułchtu» pa-biełarusku.
Ad 17-j da 20-j u kniharni možna budzie nabyć knihu sa źnižkaj, uziać aŭtohrafy ŭ pierakładčykaŭ Uładzisłavy Hurynovič i Alesia Kudraŭcava i abmierkavać ź imi tvorčaść aŭtara «mifaŭ Ktułchu». Adras kniharni: pr. Niezaležnaści, 72.
Hovard Filips Łaŭkraft — amierykanski piśmieńnik, aŭtar tvoraŭ u žanrach žachaŭ, mistyki i fentezi, jakija paśla jaho śmierci zrabilisia kultavymi i istotna paŭpłyvali na sučasnuju litaraturu žachaŭ.
Tvorčaść Łaŭkrafta nastolki ŭnikalnaja, što daśledčyki vydzialajuć asobny padžanr — łaŭkraftaŭskija žachi.
Łaŭkraft stvaryŭ mify Ktułchu, u jakich vuściš niaźviedanaha susiedničaje z fantasmaharyčnymi apisańniami vydumanych staražytnych haradoŭ, bahoŭ i artefaktaŭ. Pierakładčyki apaviadańniaŭ — Uładzisłava Hurynovič, Pavieł Donaŭ i Aleś Kudraŭcaŭ. Mastačka — Kaciaryna Dubovik.
Źmiest knihi:
Ałchimik. Pierakłaŭ Pavieł Donaŭ
Sklep. Pierakłaŭ Pavieł Donaŭ
Palarys. Pierakłała Uładzisłava Hurynovič
Katy Ułtara. Pierakłała Uładzisłava Hurynovič
Ńjarłatchatep. Pierakłała Uładzisłava Hurynovič
Čužanica. Pierakłaŭ Aleś Kudraŭcaŭ
Muzyka Erycha Zana. Pierakłała Uładzisłava Hurynovič
Što prynosić poŭnia. Pierakłała Uładzisłava Hurynovič
Hierbiert Uest, reanimatar. Pierakłała Uładzisłava Hurynovič
Hančak. Pierakłała Uładzisłava Hurynovič
Stojeny žach. Pierakłała Uładzisłava Hurynovič
Pacuki ŭ ścienach. Pierakłała Uładzisłava Hurynovič
Fest. Pierakłała Uładzisłava Hurynovič
Klič Ktułchu. Pierakłaŭ Pavieł Donaŭ
Naturščyk Pikmana. Pierakłała Uładzisłava Hurynovič
Istota ŭ śviatle poŭni. Pierakłała Uładzisłava Hurynovič
Uładzisłava Hurynovič — pierakładčyca i piśmieńnica, pracuje z takimi žanrami, jak fentezi, žachi, mistyka. Asobnyja jaje pierakłady možna pračytać na sajcie «PrajdziŚvieta».
Pavieł Donaŭ — pierakładčyk, jaki pracuje z tvorami roznych žanraŭ. Siarod pierakładzienaha — apaviadańni H. K. Čestertana (zbornik «Złačynstva, ser!»), Dž. Konrada, H. Uełsa (zbornik «Vuścišny pakoj»), O. Hienry.
Aleś Kudraŭcaŭ — pierakładčyk; šmat supracoŭničaŭ z časopisam «Krynica», dzie nadrukavaŭ pa-biełarusku tvory A. Birsa, R. Bredbiery, S. Kinha, S. Lema, I. Šou, U. le Huin.
Kniha «Klič Ktułchu» — pieršaje vydańnie tvoraŭ Łaŭkrafta pa-biełarusku i dvanaccataje vydańnie ź sieryi internet-časopisa «PrajdziŚviet» «PostScriptum».
Raniej u sieryi vychodzili dva zborniki apaviadańniaŭ Dojła pra Šerłaka Chołmsa, «Znachar» Dalenhi-Mastoviča, «Pryhody barona Miunchhaŭzena» Biurhiera i Raspe, «Sałamieja» Uajłda, «Kazki» Haŭfa.
