9 žniŭnia a 12-j ranku kala ambasady Rasiei ŭ Litvie prajšoŭ pikiet pratestu. Udzielniki akcyi trymali ŭ rukach hruzinskija, litoŭskija i biełaruskija ściahi, płakaty i raściažki z łozunhami "Spynim rasiejskuju ahresiju!", "Belarus with Georgia! Russians, go home!", "No war!" i inšyja.
U akcyi ŭziali ŭdzieł pradstaŭniki hruzinskaj dyjaspary, litoŭskaja moładź, vysokapastaŭlenyja palityki, a taksama biełarusy - aktyvisty niezarehistravanaha ruchu "BUNT".
Paśla zaviaršeńnia pikietu ŭdzielniki nakiravalisia da ambasady Hruzii. Nadzvyčajny i paŭnamocny ambasadar Hruzii ŭ Litvie Hiorhij Kierdzikašvili vykazaŭ vialikuju ŭdziačnaść usim, chto pryjšoŭ padtrymać hruzinski narod. Jon zaklikaŭ usich nieabyjakavych dapamahčy Hruzii ŭ "infarmacyjnaj vajnie" suprać rasiejskaha ahresara: ładzić akcyi padtrymki ŭ svaich haradach, raspaŭsiudžvać praŭdzivuju infarmacyju ab vajennym kanflikcie na forumach i ŭ livejournal.
Akcyi salidarnaści z Hruzijaj adbylisia taksama ŭ Varšavie, Hdańsku, Kijevie, Lvovie, Talinie.
