U Homieli milicyjanty praciahvajuć previentyŭna zatrymlivać demakratyčnych aktyvistaŭ. Uranku na vulicy Karpoviča pobač sa svaim domam zatrymany invalid savieckaj armii Andrej Makaraŭ.
«My žyviom pobač, — raskazvaje siabra AHP Mikałaj Isačanka. — Damovilisia sustrecca na vulicy. Makaraŭ vyjšaŭ pieršym. Pamachaŭ pierad domam rukoju. I tut, parušajučy praviły darožnaha ruchu, padjechaŭ milicejski UAZik i dvoje amapaŭcaŭ u čornaj uniformie paviali Makarava pad ruki ŭ milicejskuju mašynu».
Žonka Makarava Natalla kaža, što ŭ dziažurnaj častcy «mnie skazali, što Andreja padazrajuć u kradziažy rovara. Maŭlaŭ, ničoha strašnaha, jon ža nie ŭ kajdankach. Ź im pahutarać hadzinu ci paŭtary i adpuściać», — raspaviała Natalla.
1 maja kala svajho doma previentyŭna zatrymany i ŭdzielnik akcyj pratestu «niedarmajedaŭ», syn palitemihranta Juryja Rubcova Viktar. 30 krasavika zatrymali žurnalista Jaŭhiena Mierkisa.
U Homieli ŭłady dazvolili mitynh. Jon maje raspačacca a 12-j kala DK tavarystva hłuchich «Vipra».
