Amierykanskija i paŭdniovakarejskija ahienty sprabujuć zabić lidara KNDR Kim Čen Yna, śćviardžajuć paŭnočnakarejskija ŚMI. U zajavie havorycca, što Paŭnočnaja Kareja znojdzie i «biaźlitasna źniščyć» terarystaŭ, piša VVS.
Reuters
U zajavie, vypuščanaj ad imia paŭnočnakarejskaha ministerstva dziaržaŭnaj biaśpieki, havorycca, što terarystyčnaja hrupa pry padtrymcy CRU i vyviedki Paŭdniovaj Karei pranikła ŭ KNDR z metaj ździajśnieńnia zabojstva lidara krainy z dapamohaj niejkaha bijachimičnaha rečyva.
Paŭnočnaja Kareja znojdzie i «biaźlitasna źniščyć» terarystaŭ, zajaŭlajuć ułady KNDR.
Paviedamleńnie pastupiła na fonie ŭzmacnieńnia napružanaści ŭ rehijonie.
U zajavie, pieradadzienaj paŭnočnakarejskim ahienctvam CTAK, havorycca, što zmoŭščyki chacieli vykarystoŭvać «bijachimičnyja rečyvy, uklučajučy radyjeaktyŭnyja i nanarečyvy».
Viarchoŭnaha lidara, havorycca ŭ paviedamleńni, pavinny byli pasprabavać atrucić padčas vajennaha paradu, pryčym vyniki zamachu vyjavilisia b tolki praz paŭhoda, a to i hod.
Ministerstva śćviardžaje, što žychara Paŭnočnaj Karei, jakoha nazyvajuć tolki pa proźviščy «Kim», «karumpavali i padkupili» paŭdniovakarejskija śpiecsłužby, kali jon pracavaŭ u Rasii.
Ułady KNDR śćviardžajuć, što hety čałaviek nibyta atrymaŭ 300 tysiač dalaraŭ.
Paśla jaho viartańnia ŭ Pchieńjan jamu nibyta było daručana sabrać i dać padrabiaznuju infarmacyju pra miescy praviadzieńnia publičnych mierapryjemstvaŭ, jakija časta vykarystoŭvajucca, i acanić mahčymyja mietady napadu.
«Antyterarystyčnaja nastupalnaja apieracyja ŭ karejskim styli pačniecca z hetaha momantu, kab razburyć vyviedvalnyja i zmoŭnickija arhanizacyi amierykanskich impieryjalistaŭ i maryjanietkavaj zhrai», — havorycca ŭ zajavie.
