Prezident Rasii Uładzimir Pucin daručyŭ Minkamsuviazi raspaŭsiudzić na «bujnych miedyjarynkach» rasijskija dakumientalnyja i mastackija filmy i sieryjały, «jakija adlustroŭvajuć abjektyŭnuju infarmacyju pra Rasiju, u tym liku pra jaje rolu ŭ pieramozie nad nacyzmam».
Pra heta havorycca ŭ pratakole pasiadžeńnia Rasijskaha arhanizacyjnaha kamiteta «Pieramoha», jakoje adbyłosia 20 krasavika, paviedamlaje «Dožd́».
Akramia roli Rasii ŭ pieramozie nad nacyzmam, filmy i sieryjały pavinny buduć adlustroŭvać rasijski ŭkład u «supraćdziejańnie sprobam pierahladu historyi i vynikaŭ Druhoj suśvietnaj vajny, hieraizacyi nacyzmu i prapahandzie nieanacyzmu», havorycca ŭ daručeńni Pucina.
Samo daručeńnie Minkamsuviazi pavinna budzie vykanać da 31 studzienia 2018 hoda.
