Vajskovyja vučeńni Rasii i Biełarusi «Zachad», jakija adbuducca ŭ vieraśni, vyklikajuć zaniepakojenaść z-za taho, što ŭ ich chodzie buduć simulavać dziejańni suprać błoka NATA, kaža litoŭski ministr abarony Rajmundas Karoblis.
«Napeŭna, samaj vialikaj prablemaj na siońniašni dzień było toje, što hetyja vučeńni sapraŭdy maštabnyja, ale prazrystaść realna słabaja. Miakka kažučy, niepryjemna, simulujucca ataki suprać tak zvanych krain vysokaha patencyjału, a heta aljans NATA», — skazaŭ R. Karoblis u prahramie telebačańnia LRT «Tydzień».
Pavodle jaho słoŭ, padčas vučeńni simulujucca nastupalnyja dziejańni suprać Polščy i Bałtyjskich krain. «Heta nie abaronnaja (simulacyja), heta, mabyć, simulacyja nastupalnaha charaktaru suprać NATA, kankretna - i suprać krain Bałtyi, i, mabyć, Polščy. Tak, heta dadzienyja raźviedki — i našaj, i sajuźnikaŭ — pierš za ŭsio, havorka idzie pra vučeńni, niama nijakich preludyj ab poŭnym abo častkovym kanflikcie», — skazaŭ ministr abarony.
