Administracyi škoł, dzie dzieci vučacca ŭ dźvie źmieny, buduć sami prymać rašeńnie ab pačatku zaniatkaŭ — z 8.30 abo 9.00, ale ŭ škołu možna pryvodzić dziaciej da 8-j ranicy. Pra heta BIEŁTA paviedamiła pres-sakratar Ministerstva adukacyi Ludmiła Vysockaja.
Ludmiła Vysockaja adznačyła, što SanPiN rekamienduje pačynać zaniatki nie raniej za 9 ranicy. Administracyi škoł, dzie dzieci vučacca ŭ adnu źmienu, buduć razhladać mahčymaść pačatku zaniatkaŭ mienavita z hetaha času. U škołach, jakija pracujuć u dźvie źmieny, kančatkovaje rašeńnie ab pačatku zaniatkaŭ (u 8.30 abo 9.00) buduć prymać administracyi škoł. Pry hetym budzie ŭličvacca zahruzka dziaciej druhoj źmieny i pracoŭny hrafik.
Pakul Minadukacyi pravodzić manitorynh situacyi, vyvučaje mierkavańnie baćkoŭ, nastaŭnikaŭ, administracyj škoł.
Pa słovach pres-sakratara, baćkam u vypadku bolš poźniaha pačatku zaniatkaŭ nie varta chvalavacca. Jany mohuć pryvozić svaich dziaciej u škołu zahadzia. Hadzinu da zaniatkaŭ dzieci buduć pad nahladam, ź imi buduć zajmacca (naprykład, rabić zaradku) piedahohi.
