Pra heta paviedamiŭ BIEŁTA aŭtar prajekta «Zachavajem krynicy Pinskaha Paleśsia», staršynia humanitarna-aśvietnickaha hramadskaha abjadnańnia «Sadružnaść Paleśsia» Dźmitryj Kisiel.
Pavodle jaho słoŭ, realizacyja prajekta ŭžo pačałasia. U Pinskim rajonie naličvajecca bolš za 10 krynic, na pieršym etapie namahańni płanujecca zasiarodzić na piaci ź ich. Z maja pa kastryčnik buduć vykananyja raboty pa ich dobraŭparadkavańni, stvoranyja ŭmovy dla bieśpieraškodnaha dostupu da krynicy ŭsich katehoryj hramadzian. U pryvatnaści, pa pytańniach stvareńnia biezbarjernaha asiarodździa projduć kansultacyi ź miascovaj arhanizacyjaj invalidaŭ-kalasačnikaŭ. U dalejšym budzie raspracavany ekamaršrut, jaki źviaža pamiž saboj usie hetyja pomniki pryrody miascovaha značeńnia. Taksama jany buduć uklučanyja ŭ inšyja turystyčnyja maršruty Pinskaha rajona.
«Da kanca miesiaca my pavinny zaćvierdzić śpis abjektaŭ u Pinskim rajvykankamie. Pry vybary budziem abapiracca na histaryčnyja daviedki. U pryncypie, u kožnaj krynicy pavinna być svaja pryhožaja historyja, lehienda. Akramia taho, važnyja ŭłaścivaści kryničnaj vady. Naprykład, u pravasłaŭnym prychodzie vioski Achova miascovaja krynica ličycca cudadziejnaj. U vioscy Vyłazy ŭ svoj čas byŭ taki abjekt, jak kałodziež karalevy Bony Sforcy. Abmiarkujem metazhodnaść jaho adradžeńnia», — raspavioŭ Źmicier Kisiel. Jon vykazaŭ upeŭnienaść, što novy turystyčny maršrut budzie spryjać raźvićciu eka- i ahraturyzmu ŭ Pinskim rajonie.
Prajekt «Zachavajem krynicy Pinskaha Paleśsia» — tolki adna z mnohich inicyjatyŭ nanoŭ stvoranaha HAHA «Sadružnaść Paleśsia». Realizoŭvajecca jon pry sadziejničańni Pinskaha rajvykankama i padtrymcy ambasady ZŠA. U płanach hramadskaha abjadnańnia na hety hod taksama raspracoŭka prajekta pa zachavańni i dobraŭparadkavańni parku ŭ vioscy Parečča ŭ honar 150-hodździa jaho zasnavalnika Ramana Skirmunta, pamiatnyja mierapryjemstvy, pryśviečanyja amierykancy Łuizie Arnier Bojd, jakaja ździejśniła ŭ kancy 30-ch hadoŭ minułaha stahodździa ekśpiedycyju pa Paleśsi, i inšyja prajekty.
Humanitarna-aśvietnickaja hramadskaje abjadnańnie «Sadružnaść Paleśsia» stvoranaje na bazie infarmacyjna-aśvietnickaj ustanovy instytucyjnaha raźvićcia i zarehistravanaje hałoŭnym upraŭleńniem justycyi Bresckaha abłvykankama 12 maja 2017 hoda.
