Jeŭrakamisija pryznała Facebook vinavatym va ŭtojvańni infarmacyi padčas pakupki miesiendžara WhatsApp u 2014 hodzie i nakłała na sacsietku štraf u 110 miljonaŭ jeŭra.
U 2014 hodzie, havorycca ŭ rašeńni rehulatara, Facebook u dakumientach na ŭchvału ździełki pa kupli WhatsApp pakazała, što nie budzie aŭtamatyčna abjadnoŭvać akaŭnty karystalnikaŭ sacsietak i miesiendžara. Adnak praz dva hady paśla kupli heta było zroblena.
Facebook pahražaŭ štraf u pamiery da 1 pracenta ad hadavoha abarotu - da 276 miljonaŭ dalaraŭ, zychodziačy z spravazdačnaści kampanii za 2016 hod. Adnak sacsietka aktyŭna supracoŭničała z rehulataram, i pamier štrafu byŭ panižany, abviaściła Jeŭrakamisija.
Pamier štrafu 110 miljonaŭ jeŭra Jeŭrakamisija nazvała «suraźmiernym».