U Irkuckaj vobłaści Rasii zaviali kryminalnuju spravu na vychavacielku dziciačaha sadka, jakaja zakleiła rot skotčam adnamu sa svaich vychavancaŭ. Piedahoh vykłała adpaviednaje fota ŭ Instahram i padpisała jaho: «Bo niefih davodzić Alaksandru Viktaraŭnu da šału».
Spravaj vychavacielki zajmajecca rasijski Śledčy kamitet. Žančynu padazrajuć u katavańniach. Vychavancy daškolnaj ustanovy znachodzilisia ŭ zaviedama biezdapamožnym stanie i nie mahli supraćstajać ździekam, ličać śledčyja.
Sama vychavacielka patłumačyła svaje dziejańni tym, što takim čynam chacieła ŭ formie hulni stvaryć cišyniu ŭ hrupie dla čytańnia ŭhołas kazki, tamu zakleiła rot sabie, a zatym užo dzieci samastojna pieraniali jaje prykład.
Letaś u Rasii zdaryłasia dva padobnyja incydenty, paśla jakich zvolnili dźviuch vychavacielek, pieradaje VVS.
