Typ rakiety, nakirunak i praciahłaść palotu nie ŭdakładniajucca, paviedamlaje paŭdniovakarejskaje ahienctva Yonhap sa spasyłkaj na infarmacyju Hienštaba krainy.
Infarmacyju paćvierdzili i ŭ Japonii: tam urad adkryŭ kryzisny štab pry kancylaryi premjer-ministra i zajmajecca zboram i analizam infarmacyi.
14 traŭnia KNDR praviała rakietnaje vyprabavańnie, jakoje ZŠA paličyli samym paśpiachovym u historyi: rakieta pralacieła 30 chvilinaŭ, dalokaść palotu skłała 800 kilametraŭ. Pa źviestkach Cichaakijanskaha kamandavańnia (PACOM) Uzbrojenych sił ZŠA, rakieta zvaliłasia ŭ Japonskaje mora niepadalok ad uźbiarežža Prymorskaha kraju Rasiei. Vajskoŭcy RF zajavili, što adsočvali palot i mahli rakietu «harantavana niveliravać».
Pavodle paviedamleńnia Centralnaha telehrafnaha ahienctva Karei (CTAK), rakieta «Chvanson-12» «zdolnaja nieści bujnuju ciažkuju jadziernuju bojehałoŭku». Telebačańnie Paŭnočnaj Karei kanstatavała, što zapusk prajšoŭ paśpiachova pad asabistym kiraŭnictvam staršyni Pracoŭnaj partyi Karei i Dziaržsavietu krainy Kim Čen Yna.
