20 maja ŭ Minsku prajšło «Adboryšča», padčas jakoha maładyja kamandy zmahalisia za vychad u finał konkursa «Basovišča-2017», paviedamlaje «Jeŭraradyjo».
U adbory ŭdzielničała 11 hurtoŭ, siarod jakich Teleport, Lis, Leibonik, SnopSnou, BarRokka, NGe, Marcin S. i inšyja. Žury, u składzie jakoha biełaruskija žurnalisty, muzyki i pradstaŭniki BASu, dla finału abrali čatyry hurty - Teleport, Leibonik, SnopSnou, BarRokka.
Fiestyval «Basovišča-2017» projdzie ŭ polskim Haradku 14-15 lipienia.
* * *
«Basovišča» — najstarejšy fiestyval biełaruskaj rok-muzyki. Jon ładzicca ad 1990 hoda ŭ Haradku na Biełastoččynie, a nazyvajecca tak nie ad upadabanaha rokierami muzyčnaha instrumienta, a ad nazvy Biełaruskaha abjadnańnia studentaŭ (BAS) — arhanizacyi, jakaja fiestyval raspačała.
