Prezydent Rasiei Ŭładzimir Pucin zrobić 29 traŭnia niezaplanavany vizyt u Francyju. Jak piša hazeta «Kommiersant» sa spasyłkaj na infarmavanyja krynicy ŭ Paryžy i Maskvie, heta daść jamu mahčymaść asabista paznajomicca z Emaniuelem Makronam — novym prezydentam Francyi.
Pavodle źviestak krynic «Kommiersanta», padstavaj dla vizytu stanie adkryćcio ŭ Versali, rezydencyi francuskich karaloŭ, vystavy, pryśviečanaj Piatru Pieršamu. Zrešty, jak paviedamiła «Kommiersantu» vysokapastaŭlenaja krynica ŭ Kramli, «paradak dnia vizytu budzie nasyčanym» i naŭrad ci abmiažujecca ŭračystaj cyrymonijaj u Versali.
Pavodle surazmoŭcy «Kommiersanta» u Paryžy, «ciažka sabie ŭjavić, što Pucin adpraviŭsia b u Francyju, nie atrymaŭšy zhody, što sustreniecca i paznajomicca z novym prezydentam».
Vystava ŭ Versali prymierkavanaja da 300-hodździa vizytu ŭ Francyju rasiejskaha cara i ŭstanaŭleńnia pamiž dźviuma krainami dyplamatyčnych adnosinaŭ.
