Hramadskaje abmierkavańnie horadabudaŭničaha prajekta detalovaha płanavańnia terytoryi ŭ miežach vuł.Malinina — vuł.Krupskaj - vuł.Taškienckaja — vuł.Haładzieda — paŭdniovaja i paŭnočna-zachodniaja miaža łandšaftna-rekreacyjnaj zony 130 ŁR projdzie ŭ Minsku z 5 pa 29 červienia. Pra heta paviedamili BIEŁTA ŭ administracyi Zavodskaha rajona stalicy.
Terytoryja znachodzicca ŭ paŭdniovaj častcy horada na ziemlach Leninskaha i Zavodskaha rajonaŭ, uklučaje ŭ asnoŭnym łandšaftna-rekreacyjnyja zony pablizu Čyžoŭskaha vadaschovišča i ŭčastki isnujučaj hramadskaj, žyłoj i vytvorčaj zabudovy. Tut raźmieščany kulturna-zabaŭlalny spartyŭny kompleks «Čyžoŭka-Arena», haściničny kompleks, spartyŭnyja placoŭki i parkoŭki.
Prajekt prapanuje budaŭnictva z boku vuł. Haładzieda spartyŭnaha abjekta z basiejnam, trenažornymi i spartyŭnymi załami, spartyŭna-rekreacyjnaha centra (na miescy damoŭ pa vuł. Dvoryščy); dobraŭparadkavańnie parkaŭ 900-hodździa Minska, imia Hrekavaj, rekanstrukcyju rynku ZAT «Śviełta» pad hramadskija funkcyi sa znosam handlovych paviljonaŭ i aŭtastajanki.
Taksama praduhledžana zaviaršeńnie rekanstrukcyi prychodaŭ chramaŭ vielikamučanika Hieorhija Pieramahanosca i śviatoha apostała Andreja Pieršazvanaha, budaŭnictva basiejna pry ŭstanovie HCAR pa viaślarnych vidach sportu, dźviuch vyratavalnych stancyj na bierazie Čyžoŭskaha vadaschovišča. Pablizu vadajoma źjaviacca placoŭki adpačynku, dziciačyja i vidavyja placoŭki, palana dla hulniaŭ i aktyŭnaha adpačynku z kołam ahladu, spuski da vady i pryčały, ściežka zdaroŭja i vieładarožka.
Z ekspazicyjaj možna budzie aznajomicca z 5 pa 19 červienia pa vuł. Malinina, 41 (UP «Zielenbud Leninskaha rajona Minska»), na pieršym paviersie budynkaŭ administracyi Leninskaha i Zavodskaha rajonaŭ (vuł.Majakoŭskaha, 83 i vuł.Žyłunoviča, 17), na sajtach rajonnych administracyj. Prezientacyja prajekta adbudziecca 7 červienia ŭ 19.00 u aktavaj zale UP «Zielenbud Leninskaha rajona Minska». Zaŭvahi i prapanovy buduć razhledžany na architekturna-horadabudaŭničym saviecie pry kamitecie architektury i horadabudaŭnictva Minharvykankama.
