Na 26 maja namiečanaje adkryćcio bujnoha handlovaha centra ŭ Kamiennaj Horcy. U 13.00 rasčynić svaje dźviery hipiermarkiet Green u składzie kompleksu Green City. Pra heta TUT.BY paviedamili ŭ kampanii «Hryn Roźnica», jakaja kiruje sietkaj Green.
Pieršaj zajaŭlenaj da adkryćcia praduktovaj placoŭkaj u Green City byŭ hipiermarkiet Premia. U pačatku 2015 hoda jaho zamianiŭ «Hipa». Hod tamu ŭ im kančatkova prapisaŭsia Green.
Handlovyja płoščy novaha hipiermarkieta (siomaha pa liku ŭ sietki) składuć 6,3 tys. kv. m. Budzie pracavać 35 kas. Na adkryćci pakupnikoŭ čakaje zabaŭlalnaja prahrama.
Hipiermarkiet u Kamiennaj Horcy budzie samym vialikim u sietcy Green. Adpaviedna, i asartymient abiacajuć bolš šyroki, čym u inšych hipiermarkietach.
Hipiermarkiet stanie pieršym abjektam, jaki adkryjecca ŭ handlovym centry Green City. Rychtujecca da adkryćcia zona bucikoŭ, restarany i dziciačy zabaŭlalny centr.
Budaŭnictva handlova-administracyjnaha kompleksu ahulnaj płoščaj 83 tysiačy kvadratnych mietraŭ pačałosia na skryžavańni vulic Prytyckaha i Kuncaŭščyna 5 hadoŭ tamu. U studzieni 2015 hoda byŭ zdadzieny ŭ ekspłuatacyju 22-paviarchovy budynak, jakoje ŭklučaje haścinicu, ofisnyja pamiaškańni, fitnies-kłub, kafe. A voś uvod u stroj handlovaha kompleksu ŭvieś čas adkładaŭsia.
Prajekt realizoŭvała kampanija «Jeŭrastephrup», stvoranaja na bazie rasijskaha kapitału, havaryłasia na jaje sajcie. Zasnavalnikami kampanii vystupali smalenskaja «Jeŭrastep» Mikałaja Ivanoŭskaha i biełaruski Prezidencki spartyŭny kłub. Abjom inviestycyj u Green City pieravysiŭ 110 młn dalaraŭ. U pačatku hetaha hoda infarmavanyja surazmoŭcy kazali pra toje, što Green City adyšoŭ akcyjanieram «Technabanka».
