Alaksandr Łukašenka na sustrečy sa staršynioj Fiederacyi chakieja Biełarusi Siamionam Šapiram zajaviŭ, što ŭsie kłuby pavinny być u adnolkavych umovach.
«Pastaŭ usich u adnolkavyja ŭmovy. A to ŭ nas Šorac adkupiŭsia ad Zacharava viedaješ jak? Jon jamu pieradaŭ va ŭłasnaść «Čyžoŭku» — toje, što źjaŭlajecca piarlinaj krainy, toje, što pavinna ŭ ciabie ŭ rukach być. «Minsk-Arena» — «Dynama» płacić za lod? Płacić. A Zacharaŭ nie płacić. Heta jaho ŭłasnaść. Byccam i haścinicu niejkuju pieradali kłubu.
Navošta ŭ niaroŭnyja ŭmovy stavić kamandy? U jaho pavinien być kłub, jon pavinien zarablać hrošy, datacyja dziaržavy. Jon pavinien za lod zapłacić i za haścinicu. Jak usie! Davajcie my jamu dadamo dzieści hrošaj, ale jon pavinien płacić. Heta nie jaho ŭłasnaść», — skazaŭ Łukašenka ŭ efiry prahramy «Panarama» na kanale «Biełaruś-1».
