Siońnia, 29 maja, u intelektualnym kłubie nobieleŭskaha łaŭreata projdzie sustreča ź piśmieńnikam Uładzimiram Sarokinym. Tema — «Žorstkaja słaviesnaść». Surazmoŭcam Sarokina ŭ abmierkavańni budzie biełaruski kulturołah Alaksiej Bratačkin.
Uładzimir Sarokin — rasijski piśmieńnik, scenaryst, dramaturh, adzin z najbolš jarkich pradstaŭnikoŭ kanceptualizmu i sac-artu ŭ rasijskaj litaratury. Aŭtar dziesiaci ramanaŭ, a taksama šerahu apovieściaŭ, apaviadańniaŭ, pjes i kinascenaryjaŭ. Łaŭreat premijaŭ Andreja Biełaha, «NOS», «Vialikaja kniha» i inšych. Knihi pierakładzieny na dziasiatki movaŭ. Da studzienia 2017 hodu źjaŭlaŭsia členam Ruskaha PEN-centru. U studzieni 2017 zajaviŭ ab vychadzie z PEN-centru na znak pratestu suprać dziejańniaŭ jaho vykankamu.
Haściami intelektualnaha kłuba Śviatłany Aleksijevič užo byli rasijskaja paetka, prazaik, pierakładčyk, fiłołah i etnohraf Volha Siedakova, rasijski palitołah Stanisłaŭ Białkoŭski, litoŭskaja piśmieńnica Ruta Vanahajcie, palityčny žurnalist, ahladalnik, błohier Alaksandr Marozaŭ.
