Kolkaść zahinułych u vyniku ŭrahanu ŭ Maskvie i Padmaskoŭi vyrasła da 16, paviedamlaje VVS.
Śledčy kamitet RF paviedamiŭ pra 11 zahinułych u Maskvie i troch — u vobłaści, adnak paźniej hubiernatar Maskoŭskaj vobłaści Andrej Varabjoŭ udakładniŭ, što ŭ Padmaskoŭi zahinuli piać čałaviek.
Raniej u aŭtorak departamient achovy zdaroŭja Maskvy paviedamiŭ ab 150 paciarpiełych u vyniku ŭrahanu, 108 ź jakich zastajucca ŭ balnicach. Jany atrymali ŭdary, ranki, pierałomy, čerapna-mazhavyja traŭmy, a taksama traŭmy pazvanočnika.
Pa słovach kiraŭnika departamienta Alaksieja Chrypuna, siarod paciarpiełych — bolš za 20 dziaciej.
U Maskoŭskaj vobłaści, jak zajaviŭ Varabjoŭ, u balnicy trapili 34 čałavieki.
U siaredzinie dnia ŭ paniadziełak na Maskvu abrynuŭsia ŭrahan. Livień supravadžaŭsia rezkimi paryvami vietru, z-za jakich padali drevy i mietaličnyja kanstrukcyi.
Pavodle danych MNS, urahanam u Maskvie byli pavalenyja bolš za 3500 dreŭ, paškodžanyja dachi 140 šmatpaviarchovych žyłych damoŭ i administracyjnych budynkaŭ, atrymali paškodžańni bolš za 1500 mašyn.
Urahan abiastočyŭ bolš za 300 nasielenych punktaŭ u Maskoŭskaj, Razanskaj i Tulskaj abłaściach, 16500 žyłych damoŭ, u jakich pražyvajuć bolš za 44000 čałaviek, i 1375 dačnych damoŭ.
