Polšča i ZŠA pryjšli da papiaredniaj zhody nakont raźmiaščeńnia na polskaj terytoryi častki amerykanskaj systemy supraćrakietnaj abarony – damova była parafavanaja ŭ čaćvier uviečary ŭ Varšavie.
Ministar zamiežnych spraŭ Polščy Radasłaŭ Sikorski paviedamiŭ, što ŭ Polščy buduć raźmieščanyja dźvie amerykanskija bazy. Na adnoj buduć 10 rakiet-pierachopnikaŭ balistyčnych rakiet dalokaha radyjusu dziejańnia, na druhoj – 96 rakiet “Patriot”.
Damova praduhledžvaje, što na terytoryi Polščy, akramia systemy źniščeńnia balistyčnych rakietaŭ, puščanych na terytoryju ZŠA, budzie znachodzicca amerykanski vajskovy harnizon (da 2012 hodu). Čakajecca, što ŭ abmien na dazvoł raźmiaścić na svajoj terytoryi 10 amerykanskich rakiet-pierachopnikaŭ Vašynhton pieradaść Varšavie taksama rakietnyja ŭstanoŭki “Patryjot” i, pavodle aficyjnaj infarmacyi, voźmie “značny ŭdzieł u madernizacyi polskaha vojska”.
“ZŠA pryniali na siabie abaviazak ščylna supracoŭničać z nami ŭ vypadku jakoj-kolviečy pahrozy dla Polščy z boku trecich dziaržavaŭ... Heta krok u bok uzmacnieńnia biaśpieki Polščy ŭ budučym”, – zajaviŭ premjer-ministar Polščy Donald Tusk.
Tusk padkreśliŭ, što “što nasupierak šmatlikim kamientaram u medyjach,
chutkaje zaviaršeńnie pieramovaŭ z ZŠA nie źviazanaje z padziejami ŭ Hruzii”.
Mižtym Rasieja ad samoha pačatku pratestavała suprać planaŭ ZŠA što da raźmiaščeńnia častak supraćrakietnaha ščyta u Polščy i Čechii, pahražajučy “naviadzieńniem rasiejskich rakiet na miescy dyślakacyi hetych abjektaŭ”.
Siońnia stała viadoma, što
ministar zamiežnych spravaŭ Rasiei Siarhiej Łaŭroŭ admoviŭsia ad zaplanavanaha na vierasień vizytu ŭ Varšavu.
Raniej ZŠA padpisali damovu ab raźmiaščeńni ŭ Čechii svajoj radarnaj ustanoŭki.
