Hienieralny dyrektar futbolnaha hroźnienskaha «Cieraka» Achmat Ajdamiraŭ 6 červienia paviedamiŭ, što kłub ad nastupnaha siezona budzie nazyvacca «Achmat».
Uładzimir Pucin i Achmat Kadyraŭ.
«My napisali prašeńnie kiraŭniku respubliki. Rada pryniała rašeńnie, što ciapier kłub budzie nasić nazvu nie «Cierak» Hrozny, a «Achmat» Hrozny», — skazaŭ Ajdamiraŭ.
Rašeńnie matyvavali tym, što pierajmienavańni prasili zaŭziatary kamandy, a sam Achmat Kadyraŭ (baćka Ramzana) byŭ zasnavalnikam «Cieraka». Achmat Kadyraŭ byŭ kiraŭnikom Čačni, zabity 9 maja 2004 hoda.
Admietna, što ŭ supołcy «Cieraka» Ukantakcie suprać novaj nazvy vykazalisia 89% apytanych.
Cierak — tak nazyvajecca raka, jakaja praciakaje praz Čečniu. U minułym čempijanacie Rasii «Cierak» zaniaŭ rekordnaje dla siabie piataje miesca.
