Dvoje biespracoŭnych žycharoŭ Bresta i Mahilova praz sacyjalnyja sietki vierbavali bieraściejek dla zaniatku prastytucyjaj u Rasii.
Padčas praviadzieńnia apieratyŭna-vyšukovych mierapryjemstvaŭ supracoŭnikami ŭpraŭleńnia pa narkakantroli i supraćdziejańni handlu ludźmi, AMAP i DAI pablizu vioski Fiedźkavičy Žabinkaŭskaha rajona na trasie M1 byli zatrymanyja 39-hadovy bieraściejec i jaho znajomy žychar Mahilova 1971 hoda naradžeńnia.
U pole zroku pravaachoŭnikaŭ jany trapili ŭ Breście, kali sprabavali ŭciahnuć troch miascovych žycharak u zaniatak prastytucyjaj i vyvieźci ich za miežy Biełarusi. Mužčyny zatrymanyja padčas śledavańnia ŭ Rasiju.
Śledčym kamitetam u dačynieńni da ich zaviedzieny dźvie kryminalnyja spravy pa č.1 art.14, č.2 art.171 (zamach na arhanizacyju i vykarystańnie zaniatkaŭ prastytucyjaj, źviazanaje z vyvazam za miežy dziaržavy) KK Respubliki Biełaruś. Padślednym pahražaje da dziesiaci hadoŭ pazbaŭleńnia voli
