Premjer-ministr Vialikabrytanii Tereza Mej atrymała dazvoł karalevy Lizaviety II na farmavańnie kabinieta ministraŭ niahledziačy na toje, što jaje Kansiervatyŭnaja partyja nie zdoleła atrymać bolšaść na parłamienckich vybarach, piša VVS.
Vystupajučy na Daŭninh-stryt paśla aŭdyjencyi z karalevaj, Mej zajaviła, što pasprabuje sfarmavać urad mienšaści pry padtrymcy paŭnočnairłandskaj Partyi demakratyčnych junijanistaŭ (DIUP), ź jakoj u kansiervataraŭ skłalisia tryvałyja adnosiny.
Mej paabiacała nakiravać usie siły na dasiahnieńnie damoŭlenaści pa «breksicie», jakaja zadavolić usich u Vialikabrytanii. «Mienavita za heta prahałasavaŭ narod letaś, mienavita heta my i zabiaśpiečym. Tak što da pracy!» — zajaviła jana.
Mej udakładniła, što pieramovy ab vychadzie Vialikabrytanii ź Jeŭrapiejskaha sajuza pačnucca 19 červienia, jak i było zapłanavana.
Pa vynikach daterminovych parłamienckich vybaraŭ, jakija adbylisia 8 červienia, Kansiervatyŭnaja partyja straciła kirujučuju bolšaść u parłamiencie, atrymaŭšy 318 mandataŭ.
Na dadzieny momant padlik hałasoŭ zavieršany ŭ 649 z 650 vybarčych akruhaŭ, zastajecca vyznačyć raźmierkavańnie hałasoŭ u Kiensinhtanie.
Vyniki vybaraŭ razhladajucca jak niečakany pośpiech Lejbarysckaj partyi, jakuju ŭznačalvaje Džeremi Korbin. Jaje pradstaŭniki zojmuć 261 miesca ŭ pałacie abščyn.
Lidar lejbarystaŭ nazvaŭ vynik svajoj partyi niejmaviernym i zaklikaŭ Mej syści ŭ adstaŭku. Adnak premjer-ministr zajaviła, što krainie patrebnaja stabilnaść napiaredadni vychadu Brytanii ź ES, i jaje partyja zdolnaja hetuju stabilnaść zabiaśpiečyć.
