Ad 11 červienia ŭsie hramadzianie Ukrainy, jakija majuć bijamietryčny pašpart, mohuć naviedvać bieź viz 30 krain Jeŭropy.
Vystupajučy na kancercie ŭ honar hetaj padziei, prezident Ukrainy Piatro Parašenka nazvaŭ hety dzień histaryčnym na šlachu Ukrainy ŭ Jeŭropu i pracytavaŭ vierš Michaiła Lermantava «Proŝaj, niemytaja Rośsija, Strana rabov, strana hospod, I vy, mundiry hołubyje, I ty, im priedannyj narod».
«My z vami, ukrainski narod i ŭsia Ukraina, ustupajem u inšuju histaryčnuju epochu. I heta padzieja aznačaje kančatkovy razryŭ našaj dziaržavy z Rasiejskaj impieryjaj, a ŭkrainskaha demakratyčnaha śvietu — z aŭtarytarnym «ruskim śvietam», — skazaŭ Parašenka.
Parašenka taksama addaŭ pašanu tym rasijanam, što zmahajucca za svabodu i pracytavaŭ Puškina, toj vierš, dzie radok: «…i na obłomkach samovłasťja napišut vaši imiena».
