Stvaralnik miesiendžara Telegram Pavieł Duraŭ raspavioŭ, što adčuvaŭ cisk z boku ahientaŭ FBR. Pra heta jon napisaŭ u tvitary ŭ adkaz na zapis žurnalista Jašy Levina.
Pa słovach Durava, kali jon z kamandaj raspracoŭščykaŭ u 2016 hodzie byŭ u ZŠA, za tydzień jaho prahramistaŭ dvojčy sprabavali padkupić supracoŭniki fiederalnych orhanaŭ, a na jaho samoha akazvali cisk z FBR. U čym mienavita zaklučałasia cisk, Duraŭ nie patłumačyŭ, ale paskardziŭsia, što stvaryć pa-sapraŭdnamu niezaležny dadatak z kryptahrafijaj ŭ ZŠA praktyčna niemahčyma.
Taksama Duraŭ raskrytykavaŭ abaronieny miesiendžar Signal, jaki časta vykarystoŭvajecca dla kanfidencyjnaj pierapiski. Jon adznačyŭ, što hety miesiendžar atrymlivaje finansavańnie ad źviazanaha z uradam ZŠA Open Technology Fund, a tamu nie moža ličycca abaronienym.
