MacRumors
9 červienia hienieralny dyrektar kampanii Apple Cim Kuk vystupiŭ pierad vypusknikami Masačusieckaha technałahičnaha ŭniviersiteta. Jon zaŭvažyŭ, što na vyrašeńnie tych pytańniaŭ, jakija ciapier paŭstali pierad byłymi studentami — «Kudy ja idu», «Jakoje majo pryznačeńnie» i «Jakaja meta» — jamu spatrebiłasia 15 hadoŭ.
«U starejšaj škole mnie zdałosia, što ja vyjaviŭ metu svajho žyćcia, kali ja zmoh adkazać na hetaje viečnaje pytańnie: «Kim ty chočaš stać, kali vyraścieš?». Ale nie. U kaledžy ja dumaŭ, što zrazumieŭ svajo pryznačeńnie, kali zmoh adkazać na pytańnie: «Jaki ty abraŭ profil?». Nie zusim. Ja dumaŭ, što, mahčyma, ja vyjaviŭ pryznačeńnie, kali znajšoŭ dobruju pracu. Zatym ja padumaŭ, što mnie prosta treba atrymać niekalki pavyšeńniaŭ. Ale i heta nie spracavała».
Pa słovach Kuka, mienavita viartańnie Styva Džobsa ŭ kampaniju stała toj padziejaj, jakaja źmianiła jahonaje žyćcio:
«Da hetaha momantu ja nikoli nie sustrakaŭ lidara z takim zachapleńniem abo kampanii z takoj jasnaj i pierakanaŭčaj metaj: słužyć čałaviectvu. Heta było tak prosta. Słužyć čałaviectvu. I mienavita ŭ hety momant, paśla 15 hadoŭ pošuku, niešta pstryknuła. Ja, narešcie, adčuŭ siabie sumiaščalnym. Sumiaščalnym z kampanijaj, jakaja sabrała razam składanyja vykliki ŭ pracy z bolš vysokaj metaj. Sumiaščalnym ź lidaram, jaki ličyŭ, što technałohija, jakaja jašče nie isnavała, moža źmianić śviet, jaki nastupić zaŭtra. Sumiaščalnym z samim saboj i svajoj ułasnaj hłybokaj nieabchodnaściu słužyć čamuści bolšamu».
«Technałohija biez čałavieka niemahčymaja», — dadaŭ Cim. «Heta iPhone, jaki dazvalaje ślapomu biehčy marafon. Heta Apple Watch, jakija papiaredžvajuć ab stanie serca, pierš čym zdarycca sardečny prystup. Heta iPad, jaki dapamahaje dziciaci z aŭtyzmam padłučycca da svajho śvietu. Karaciej kažučy, heta aznačaje, što technałohija napoŭnienaja vašymi kaštoŭnaściami, što robić mahčymym prahres dla ŭsich».
Svaim samym važnym i jaskravym znajomstvam kiraŭnik Apple nazvaŭ svajo znajomstva z papam Franciškam u 2016 hodzie:
«Heta čałaviek, jaki vydatkavaŭ bolš času, supakojvajučy paciarpiełych u truščobach, čym na kiraŭnikoŭ dziaržaŭ. Heta moža vas ździvić, ale jon viedaŭ niejmaviernuju kolkaść technałohij. Dla mianie było vidavočna, što jon vielmi šmat pra heta padumaŭ. Pra mahčymaści. Pra ryzyki. Pra marali».
