Alaksandar Milinkievič pra vyzvaleńnie Kazulina:
“Ja miarkuju, heta nievypadkova. Ja dumaŭ, što heta budzie naprykancy vybaraŭ, ale vyzvalili raniej. Biezumoŭna, heta źviazana z tym, što ŭładzie vielmi zaležyć na tym, kab byli acenieny peŭnyja zruchi ŭ demakratyzacyi, liberalizacyi Biełarusi. Treba padziaku ŭsim skazać... Biezumoŭna, vialikaja rola Eŭraźviazu i ZŠA.
Ja vitaju heta rašeńnie. Ja vielmi zadavoleny, ščaślivy, bo kali ŭ nas nia budzie palitviaźniaŭ, to heta, biezumoŭna, źmienić sytuacyju ŭ krainie na lepšaje.
Kali Kazulin budzie na voli, to my musim zmahacca nia mienš mocna za inšych. Biezumoŭna, Kazulin bolš viadomy i prabyŭ bolš za inšych. Ale my nie možam pakinuć za polem uvahi inšych i budziem zmahacca taksama j za ich vyzvaleńnie. Vieru, što heta taksama adbudziecca.
Ja dumaju, što treba padziaku ŭsim skazać. I tysiačam ludziej, jakija tut zmahalisia za vyzvaleńnie A.Kazulina. Biezumoŭna, vialikaja rola Eŭraźviazu i ZŠA. Salidarnaść usich hetych siłaŭ, jak pakazvaje žyćcio, daje vynik. Heta vielmi važna.
Jon čałaviek viadomy, maje aŭtarytet i padtrymku i nielha, kab jon sychodziŭ z palityki. Ja vieru, što svaim patencyjałam Alaksandar Kazulin uzmocnić demakratyčny ruch na Biełarusi”.
