Fota: Maryja Karpuchina, «Dožd́»
Na fotazdymkach «Doždia» z pratestnaj akcyi 12 červienia ŭ centry Maskvy zaŭvažyli čałavieka, padobnaha da byłoha kamandzira kijeŭskaha «Bierkuta» Siarhieja Kusiuka. Va Ukrainie jaho šukajuć za ŭdzieł u razhonie Jeŭramajdana ŭ listapadzie 2013 hoda. «Mieduza» ŭspaminaje, čym viadomy Kusiuk i jak jon apynuŭsia ŭ Rasii.
Siarhieja Kusiuka na zdymkach ź Ćviarskoj zaŭvažyli ŭkrainskija žurnalisty. Na fatahrafii nie vidać, ci jość na formie pałkoŭnika Rashvardyi jaho proźvišča, ale vyhladaje jon sapraŭdy jak były kamandzir «Bierkuta». Va ŭkrainskaj milicyi Kusiuk u 2013 hodzie taksama słužyŭ u zvańni pałkoŭnika. Miarkujučy pa zdymku, aficer zajmaŭsia kaardynacyjaj dziejańniaŭ AMAPu ŭ časie razhonu demanstrantaŭ u centry Maskvy. Aficyjna ŭ Rashvardyi ŭdzieł byłoha kamandzira «Bierkuta» ŭ akcyi 12 červienia pakul nie prakamientavali.
Va Ukrainie Kusiuka abvinavačvajuć u pieravyšeńni słužbovych paŭnamoctvaŭ i pieraškodzie praviadzieńniu mitynhu. U červieni 2015 hoda jon abvieščany ŭ vyšuk, Hienprakuratura Ukrainy (HPU) paćvierdziła čutki ab tym, što Kusiuk moža znachodzicca ŭ Rasii. Paviedamlałasia taksama, što jon moh uładkavacca ŭ rasijskuju palicyju (pry stvareńni Rashvardyi joj pieradali AMAP, jaki raniej uvachodziŭ u MUS). Pry hetym u maskoŭski AMAP aficyjna prymali byłych bajcoŭ «Bierkuta» z zachavańniem zvańniaŭ.
Pałkoŭnik Kusiuk — klučavaja fihura rasśledavańnia ab razhonie Jeŭramajdanu. Jon słužyŭ kamandziram pałka «Bierkuta» i, pavodle danych HPU, niepasredna kiravaŭ samym pieršym razhonam aktyvistaŭ Jeŭramajdanu ŭ noč na 30 listapada 2013 hoda. Z hetaha momantu pratesty pieraraśli ŭ sutyknieńni ź milicyjaj.
Na nastupny dzień, 1 śniežnia, adbylisia sutyčki na vulicy Bankavaja kala Administracyi prezidenta. Pavodłoje niepaćvierdžanych danych, Kusiuk moh kiravać pravakatarami na traktary, jakija napali na milicyju, paśla čaho «Bierkut» pajšoŭ u nastup. Sam Kusiuk paśla zajaŭlaŭ, što ŭ hety momant byŭ va ŭradzie.
