Amierykanskija navukoŭcy z Univiersiteta Arkanzasa i Kornełskaha ŭniviersiteta vyjavili novy vid parazityčnych hryboŭ, jaki pieratvaraje samak žukoŭ-miahkaciełak Chauliognathus pensylvanicus u zombi. Zabityja hrybom kazurki pryciahvajuć samcoŭ, jakija sparvajucca ź imi i zaražajucca sami. Pres-reliz daśledavańnia apublikavany na sajcie Phys.org, paviedamlajuć infarmahienctvy.
Public Domain
C. pensylvanicus žyvuć na łuhach i palach, siłkujučysia kvietkavymi raślinami. Jany časta sadziacca na kvietki, na jakich žyvie hryb Eryniopsis lampyridarum. Kali žuk infikujecca im, skivicy kazurki mocna prylipajuć da raśliny, paśla čaho kazurka pamiraje.
Praź dzień jaje kryły raskryvajucca. Miortvyja samki zdajucca samcam hatovymi da sparvańnia, adnak sproba sukupleńnia pryvodzić da zaražeńnia novaj kazurki hrybam i dalejšaha raspaŭsiudžvańnia parazita.
Navukoŭcy vyjavili, što z 446 sabranych imi žukaŭ 90 byli infikavanyja E. lampyridarum. Ad zaražeńnia da raskryćcia kryłaŭ prachodziła 15-22 hadzin. Akramia taho, hryb vyklikaŭ uzdućcie bruška, što taksama rabiła miortvych samak-zombi pryvabnymi dla supraćlehłaha połu.
Daśledčyki płanujuć vyśvietlić, ci mahčyma pamienšyć chutkaść raspaŭsiudžvańnia hryba, kali skleić kryły zaražanych nasiakomych.
