Nacbank apublikavaŭ svajo rašeńnie pa pazbaŭleńni banka BSB (BiełŚvisBank) licenzij na praviadzieńnie nastupnych apieracyj:
— Pryciahnieńnie hrašovych srodkaŭ fizičnych asobaŭ, aproč IP.
— Adkryćcio i viadzieńnie bankaŭskich rachunkaŭ, aproč IP.
— Vydača kaštoŭnych papier.
— Vypusk bankaŭskich kartak.
— Kiravańnie hrašyma pavodle damovy davieru.
Paviedamlajecca, što zroblena heta praz vyjaŭleńnie šerahu parušeńniaŭ u pracy banka.
Što heta aznačaje dla zvyčajnych klijentaŭ banka? Im treba pakłapacicca pra los svaich depazitaŭ, jakija majuć być vypłačanyja, a taksama źniać hrošy z kartak da 26 červienia, inačaj tyja srodki piarojduć u inšyja banki i praces ich viartańnia abciažarycca.
Ale ci kaža heta, što «BSB Bank» — usio?
U hałaŭnym ofisie «Našaj Nivie» skazali, što jany pakul nie mohuć dakładna skazać, ci aznačaje takoje rašeńnie Nacbanka faktyčnuju likvidacyju «BSB».
Na pytańnie, ci buduć vypraŭlenyja parušeńni i kali, pradstaŭnik banka adkazaŭ: «My nie možam hetaha skazać».
Pa pamiery svaich aktyvaŭ «BSB Bank» byŭ na 17 miescy ŭ Biełarusi.
«Bank Maskva-Minsk» pryznačany bankam-pavieranym, jaki budzie prymać zajavy ab vypłacie kampiensacyj pa depazitach «BSB Banka».
Hrošy pa ich kartkach zaraz možna zdymać biez kamisii ŭ lubych bankamatach Biełarusi.
