sputnik.by
U Biełarusi źjavicca novy vid vajskovaj słužby — słužba pa mabilizacyi. Siońnia deputaty ŭ pieršym čytańni pryniali źmieny ŭ zakony pa pytańniach abarony.
Pa słovach ministra abarony Andreja Raŭkova, vajskovaj słužba pa mabilizacyi «zdymie šmat pytańniaŭ, ź jakimi sutyknułasia naša paŭdniovaja susiedka».
— My ŭ mirny čas adpracoŭvajem va ŭzbrojenych siłach ŭsie pytańni prymianieńnia na vajnu. I adzin z prablemnych momantaŭ — pytańni mabilizacyi. Napeŭna, nastaŭ čas razhledzieć ich i pryniać peŭnyja rečy.
Tym bolš, vyvučajučy dośvied našaj paŭdniovaj susiedki, jakaja paśla admovy ad terminovaj słužby trapiła ŭ takuju situacyju, što joj daviałosia pravodzić častkovuju mabilizacyju ŭ krainie. Jany vyrašali z kołaŭ, chutkaj pracaj parłamienta, urada krainy, kiraŭnika dziaržavy.
Kali my budziem mieć mahčymaść mieć słužbu pa mabilizacyi, my budziem mieć mahčymaść u mirny čas vyvučać, treniravać i rychtavacca da vykanańnia takich pytańniaŭ, jak arhanizacyja i zabieśpiačeńnie mierapryjemstvaŭ mabilizacyi, — raspavioŭ Andrej Raŭkoŭ u parłamiencie.
Ministr rastłumačyŭ, što padčas vajskovaj słužby pa mabilizacyi pytańni, jakija mohuć paŭstać pry vajennym stanoviščy, u vajenny čas, buduć adpracoŭvać u mirny čas, kab «nie nastupać na hrabli».
— Heta buduć vučeńni, treniroŭki, pryzyvy z zapasu. Va Ukrainie ŭ chodzie vykanańnia hetych zadač, častkovaj mabilizacyi, było šmat prablem — sa statusam ludziej, jakich pryzyvali pa mabilizacyi, z paradkam raboty ź imi, ich zabieśpiačeńniem — my hetyja pytańni ŭ mirny čas adpracujem i budziem hatovyja padčas vajny.
