Sud u Ispanii pastanaviŭ ekshumavać pareštki mastaka Salvadora Dali z-za pazovu ab ustanaŭleńni baćkoŭstva, paviedamlajuć infarmahienctvy.
Rašeńnie suda źviazanaje z tym, što Piłar Abiel zapatrabavała pryznać jaje dačkoj žyvapisca Salvadora Dali. Dla hetaha nieabchodna pravieści bijałahičny test na baćkoŭstva.
Salvador Dali naradziŭsia 11 maja 1904 hoda, jon źjaŭlajecca adnym z samych viadomych pradstaŭnikoŭ siurrealizmu.
Žycharka Ispanii Piłar Abiel, jakaja naradziłasia ŭ 1956 hodzie, śćviardžaje, što jana źjaŭlajecca dačkoj Salvadora Dali. Žančyna zajaŭlaje, što jaje maci sustrełasia z Dali ŭ 1950-ch hadach, kali pracavała ŭ siamji mastaka. Z samaha dziacinstva maci Piłar Abiel nazyvała jaje dačkoj vialikaha Dali. Ciapier Abiel praz sud choča damahčysia pryznańnia vialikaha epatažnaha hienija jaje baćkam. U 2007 hodzie ispanka zrabiła test na DNK, vykarystoŭvajučy vałasy i kletki skury z paśmiarotnaj maski mastaka, ale vyniki akazalisia niepierakanaŭčymi.
