Nacyjanalnaje ahienctva pa turyźmie adkryła pryjom zajavak na respublikanski konkurs «Paznaj Biełaruś — 2017», paviedamili karespandentu BiełTA.
Pretendavać na pieramohu ŭ naminacyi «Ja paznaju Biełaruś» moža luby achvotny (akramia ekskursavodaŭ, hidaŭ-pierakładčykaŭ i supracoŭnikaŭ turystyčnych kampanij). Dla hetaha udzielnikam konkursu treba naviedać jak maha bolš słavutaściaŭ Biełarusi i zrabić fota na ich fonie. Fotazdymki treba raźmiaścić u sacyjalnaj sietcy i paznačyć cheštehami #poznaiBelarus2017, #poznajBiełaruś2017, #DiscoverBelarus i hieałakacyjaj. Pry hetym tvar udzielnika na fota pavinien być vyrazna bačny, a abjekt — paznavalny. Pry vybary pieramožcy aceńvajecca kolkaść fatahrafij i ich aryhinalnaść, tvorčy padychod.
U dapamohu turystam na sajcie NAT raźmieščany kantrolny pieralik 670 turystyčnych abjektaŭ, jakija prapanujucca dla naviedvańnia. U śpis uvajšli nie tolki samyja viadomyja słavutaści, ale i inšyja cikavyja miescy — hieahrafičny centr Jeŭropy ŭ Połacku, Ejfieleva vieža ŭ biełaruskim Paryžy, salanyja hory la Salihorska.
Letaś u naminacyi «Ja paznaju Biełaruś» pieramahła Tamara Kazłoŭskaja, jakaja zrabiła fotazdymki na fonie 202 biełaruskich słavutaściaŭ. Cyrymonija ŭznaharodžańnia pieramožcaŭ konkursu projdzie 8 śniežnia.
